Як мы ўжо паведамлялі, да ўдзелу ў гэтым конкурсе далучыліся і гомсельмашаўцы, якія з дапамогай супрацоўнікаў заводскага Палаца культуры пераапрануліся ў нацыянальнае адзенне і зрабілі адпаведныя фотаздымкі. Яны, дарэчы, былі надрукаваны ў нумары “Сельмашаўца” за 20 чэрвеня. Але ж конкурс працягваецца далей. І зараз да ўвагі чытача мы прапаноўваем новую серыю фотаздымкаў, прысланых у рэдакцыю Палацам культуры.
Гэтыя дзяўчаткі – выхаванцы Палаца, якія займаюцца ў яго гуртках і ансамблях, шмат хто – дзеці і ўнукі гомсельмашаўцаў, жыхары заводскага мікрараёна. Паглядзіце, якая прыгажосць…